250 korrikalarik parte hartu zuten bederatzigarren edizioan
Bertze zenbait herritan bezala, Elizondon ere Baztango San Silvestre lasterketaren bederatzigarren edizioa egin zuten Urtezahar egunean. 3,9 kilometroko ibilbidea osatzen bizkorrenak Marina Vicente eta Alberto Barberena izan ziren. 170 helduk eta 81 haurrek parte hartu zuten.
Emakumezkoetan, Marina Vicente erraz nagusitu zen (14:26). Bi minutu eta erdi baino gehiago atera zien, bigarren postua esprintean erabaki zuten Paula Urrutia (17:08) eta Aurkene Perurenari (17:08).
Gizonezkoetan, Alberto Barberenak 12 minutu eta 18 segundo behar izan zituen. Luis Babauzak (12:37) eta Iñaki Telletxeak (13:01) osatu zuten podiuma.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.