Zigan aurten Orakunde otsailaren 2an suertatzen da, ortzileria, eta urtero bezala 3-14 urte bitarteko neska-mutilek zapi gorria lepoan jantzirik auzoko eta herriko etxeetan eskean ibiliko dira. Ondotik gurasoekin batera bazkaria egin eta arratsaldez urteroko jokuak, musika eta txokolatada izanen dute, hala ere urtarrilaren 8an hitzordua jarria dute xehetasunak antolatzeko.
Gazteek, berriz, inauteriak otsailaren 2an hasi eta 3an ere segituko dituzte. Egun hauen antolakuntza "iñauteri komisioaren" ardurapean dago.