Izen emateko Baztango Euskara Zerbitzura jo, 948 580006 telefonora deitu edo euskara@baztan.eus helbidera mezua idatzi behar da, abenduaren 22a baino lehen
Lau istorio izanen dituzte kontagai, abenduko azken astean. Abenduaren 26an 2-3 urteko haurrek Amaia Elizagoienen Ukituz, sentituz eta ekinez ipuinarekin hasiko dira saioak, Iruritako Gizarte Bilgunean, 17:30ean.
Biharamunean, aldiz, 11:00etan, Arizkunenean, Fernando Anbustegik hartuko du lekukoa, hiru urtetik goitiko haurren belarriak Superlagunaren kontakizunarekin gozarazteko. Abenduaren 29an arratsaldeko 17:30ean, Kontu eta Kantu artean ibiliko dira, Etxelebert elkartean.
Azkenik, abenduaren 31n, 11:00etako saioak, Amaia Elizagoienek Arizkungo mediku kontsultategian eskainiko duenak, eta lau urtetik goitikoendako Txanpon baten truke ipuina ardatz duenak, borobilduko ditu aurtengo saioak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.