Errepideetarat aziendak ez ateratzeko Baztango Udalak lau parrilla egin ditu

Ttipi-Ttapa 2017ko abe. 11a, 07:33
Lekaroz aldean jarri dituzten lau parrilletako bat.

Lekarozko Iñaranen, Tellerian, Irulegian eta Lezaben egin dira, 25.000 euroko inbertsioarekin

Elizondo-Iruritako saihesbiderat jaisten diren aziendei bidea hersteko, Baztango Udalak Lekaroz aldean lau parrilla egin ditu. Egindako lanek denera 25.000 euroko inbertsio ekarri dute eta urria eta azaroan barna egin dira. 

 

Orain urte bat inguru Legate aldean aziendak ibiltzen dituzten nekazariekin bilera egin zuen Baztango Udalak eta parrillak egiteko konpromisoa hartu zuen, batez ere negu aldean errepiderat ateratzen diren zaldi eta behorrei bidea galerazteko. Horrela, urrian eta azaroan Lekarozko Iñaranen, Tellerian, Irulegian eta Lezaben aipatu parrilak egin dira. Lanak Altzugarai SL enpresak egin ditu 23.900 euroaren truke; proiektuaren idazketa eta zuzendaritza berriz Mendikoak egin du 1.000 euroko kostuarekin. Lanak egiteko Nafarroako Gobernuak %55eko diru-laguntza eman du. 

Heldu den urtean Beartzungo bidean bertze parrilla bat jarri nahi luke udalak.

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun