Iruritako dorrearen zaharberritzearen harira, bilera irekia eginen da azaroaren 28an

Baztango Udalak Leopoldo Gilekin, Iruritako dorrearen zaharberritzean zuzendaritza daramanarekin, bilera irekia antolatu du, herritarrak parte-hartzera gonbidatuz.

Iruritako dorrearen zaharberritzeak eztabaida sortu du. Hori horrela, Baztango Udalak Lanen zuzendaria den Leopoldo Gilerekin bilera hitzartu du. Bilera heldu den asteartean, azaroaren 28an, izanen da, Iruritako gizarte bilgunean, arratsaldeko 18:00etan. Bertzeak bertze, lanei buruko argibideak emateaz gain, herritarren zalantzak eta arrangurak azaleratzeko tartea eskainiko da.