Baztan eta Zugarramurdiko bertze haztegi batzuk ere saritu zituzten azaroaren 17an Segovian
Estatuko zerri haztegi onenak saritzen dituen Porc D’Or sariketaren 24. edizioan zenbait sari lortu dituzte aurten ere Baztango eta Zugarramurdiko abeltzainek. Sari handiena Iruritako Miguel Angel Maritorena Argainek eskuratu du, Urrezko saria lortu baitu 10 eta 200 zerrama bitarteko esplotazioeen kategorian, umatze-tasaren irizpidearen arabera.
Gehien bat produktibitate arloa saritzen duen lehiakeetan urrezko, zilarrezko eta brontzezko dominak banatzen dituzte, hainbat kategoriatan.
Berroetako SC Maritorena-Etxenike haztegiak zilarrezko saria jaso zuen produktibitate kopuruaren arloan eta zerrama bakoitzarengatik errapetik kendutako zerrikume kopuruaren araberam Arizkungo SC Irigoien-Rekarte haztegiak ere zilarrezkoa lortu zuen, eta Zugarramurdiko Francisco Mihura Arraztoak brontzezkoa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.