San Andreseko afari-txartelak salgai paratuko dituzte Zigan azaroaren 18 eta 19an

San Andres eguna, tradizioz Zigaurre auzoko besta izanagatik, azken urteetan Zigan ospatzen den besta da. Aurten, azaroaren 28an, asteartean, ospatuko da. Hitzordu polita izanen dute, haur, gazte eta helduendako ekitaldiz hornituriko arratsaldean. 

Eguna frontoian eginen den afariarekin akituko dute. Afarira joan nahi duenak asteburu honetan, azaroaren 18an eta 19an izanen du apuntatzeko aukera, 17:00etatik 19:00etara bitarte, 26 eurotan, elkartean.