16 urtetik goitiko margolari afizionatu guztiek parte hartzen ahal izanen dute, eta gaia Erratzu izanen da: Erratzuko paisaiak, txokoak, eraikinak... Parte-hartzaileek eraman beharko dituzte behar dituzten materialak, eta lienzoak edo mihiseak ezin izanen dute 100 zentimetro baino haundiagoak izan. Parte hartu ahal izateko igandean 08:30etik 10:00etara Elizondoko Kasinotik pasatu beharko dute mihiseak zigilatzeko.
Izen-ematea egunean berean egiten ahal izanen da, baina bazkarira lagunen batekin joan nahi duenak aitzinetik eman beharko du izena: j.sanz@hotmail.com helbidera idatzita edo 636 974298 telefonora deituz. Egindako lanak Kasinon aurkeztu beharko dituzte margolariek, 14:30 baino lehen.
Dagoeneko ohitura bihurtua den bazkariaren ondotik, 17:00etan bilduko da epai-mahaia, sarituak erabaki eta sari banaketa egiteko. Irabazleari 800 euroko saria emanen diote, bigarrenari, berriz, 400 eurokoa.