Karmen Etxalarkoa Pastorala azaroaren 5ean Elizondon ikusteko aukera izanen da

Ttipi-Ttapa 2017ko aza. 2a, 15:26
Etxalarren bi emanaldi eskaini zituzten irailean eta orain, azaroaren 5ean, Elizondon ikusgai izanen da Pastorala.

Baztan pilotalekuan, igande arratsaldeko 3:30ean, Xorroxin Irratiak antolatua 

Heldu den azaroaren 5ean Elizondon, Baztan pilotalekuan arratsaldeko 3:30ean Karmen Etxalarkoa pastoralaz gozatzeko aukera izanen da. Jakina da, joan den irailean bi emanaldi izan ziren Etxalarren. Irailaren 16 eta 17an ia urtebeteko lanaren emaitzaz gozatzeko aukera izan zuten ehunka lagunek Etxalarren. Arrakastaren ondoren eta urtebeteko lanari aukera berri bat emateko asmoz, bide batez, Jose, pastoraleko protagonista nagusietako bat elizondarra denez, Karmen Etxalarkoa pastoralaren bertze emanaldi bat antolatu du Elizondon Xorroxin Irratiak, Baztango udalaren, Elizondoko Herriaren, Baztandarren Biltzarra elkartearen eta hainbat norbanakoren laguntzaz.

 

Sarrerak salgai daude, 15 euroan, honako salmenta puntu hauetan: 

-ELIZONDO: Fantxike, Axular, Intza, Casino, Saioa, Arkupe

-ZUGARRAMURDI: Azketa

-URDAZUBI: Montxo

-ELBETE: Elbeteko Posada

-AMAIUR: Gaztelu elkartean

-ERRATZU: Altxuko denda, Gaineko Benta, Irigoien Benta

-ARIZKUN: Dolaetxea, Ordoki

-GARTZAIN: Frantsene

-IRURITA: Olari, Arkupe

-ARRAIOZ: Zubiondo ostatua

-LEKAROZ: Hiru-Itturri

-ORONOZ-MUGAIRE: Oskorri

-ALMANDOZ: Beola

-DONEZTEBE: Titi, Ostiz estankoa

-SUNBILLA: Marisol denda

-LEGASA: Kattalin

-ARANTZA: Aterpea

-ETXALAR: Herriko Ostatua, Elutsa, Herriko okindegia

-LESAKA: Xagu, Izarra okindegia

-BERA: Errekalde, Xuga

-IGANTZI: Estankoa

-IRUÑEA: Katakrak

-BAIONA: Elkar

Bertzalde, sarrerak erreserbatzeko aukera ere badago. Xorroxin irratira deituz (948 581226) edo e-postaz (xorroxin@gmail.com) idatziz egin daiteke erreserba. Erreserba egin ondoren, azaroaren 5ean txarteldegian hartu eta ordaindu beharko dira sarrerak. Azaroaren 5eko 14:00ak arte gordeko da erreserba. Ordu horretarako erreserbatutako sarrerak ez badira hartu, antolatzaileek erreserban egondako sarrera horiek salgai jarriko dituzte.

Kultura Baztan Elizondo

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun