Larunbat goizean, 10:45ean ohiko ibilaldia eginen dute Gamioxarrera. 11:00etatik aitzinera sagardogintza erakustaldia eginen dute XVIII. mendeko dolaretxean: sagar-jotzea, tinkatzea, dastaketa eta kupelaratzea. Kirikoketa ere joko dute eta horrez gain, herrian erraldoiak, dantzariak eta eskulangileak izanen dira eta taloak dastatzeko aukera ere izanen da. 14:30ean bazkari herrikoia eginen dute. 17:00etan Manez eta Kobreak taldearen emanaldia eta arratsaldeko ekitaldia izanen dute. 21:00etan parti aparta iragarri dute Kupelategian, besta akotzeko.
