14 logela bikoitz eta 40 lagunendako jatetxea izanen ditu eta hasieran zazpi langile ariko dira
Amaiurko Borda familiaren jauregia hotel moduan erabiltzeko egokitu eta urriaren 6an, ortzirale eguerdian egin dute Palacio Borda hotelaren inaugurazioa. Jordi Gual hotelaren sustatzailea eta eraikinaren zaharberritzearen ardura izan duen Juan Mari Aleman aparejadorea eta Amaiurko alkate ohia izan dira turismoaren sektoreko profesionalei zuzendutako ekitaldian.
Borda familiaren jauregia XVII. mendekoa da eta Nafarroako historia ondare izendatua dago. Hamalau logela bikoitz dauzka eta jatetxean 40 lagunendako lekua. Horretaz gain, ostatua eta hiru egongela, solairu bakoitzeko bat, ospakizun ezberdinetarako. Denera, 1.412 metro koadro ditu hiru solairu horietan eta hasiera batean zazpi langile ariko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.