erran.eus

Baztango udal hautetsiak Kataluniako erreferenduma babesteko Udalbiltzaren ordezkaritzan egon dira

  Gizartea  Baztan

Joan den ortzegunean mozioa onartu zen Balleko Etxean eta larunbatean elkarretaratzea ere egin zuten 

Urriaren 1eko Kataluniako erreferenduma ikuskatzeko Udalbiltzak antolatu duen nazioarteko bisitarien ordezkaritzan Joseba Otondo Baztango alkateak eta Mikel Ortega eta Maite Iturre Baztango zinegotziek parte hartu dute. 

 
Baztango udal hautetsiak Kataluniako erreferenduma babesteko Udalbiltzaren ordezkaritzan egon dira
Maite Iturre, Joseba Otondo eta Mikel Ortegak osatu dute Baztango udalaren ordezkaritza Katalunian. | Ikusi handiago | Argazki originala

 

Joan den astelehenean Udalbiltzak Donostian egindako agerraldian jakinarazi zuenez Euskal Herriko ehun hautetsik igandeko galdeketa ikuskatzeko eta babesteko lanetan parte hartu dute, horien artean, aipatuko hiru hautetsi baztandarrak. Modu berean Kataluniako Independentziaren Aldeko Udalerrien elkarteak larunbatean Bartzelonan euskal ordezkaritzari egin zionharreran ere egon dira Baztango ordezkariak. 

Bertzalde, joan den ortzegunean egindako ohiko osoko bilkuran Baztango Udalak Kataluniako erreferenduma babesteko eta Espainiako Estatuaren jarrera antidemokratikoa salatzeko mozioa onartu zuen EH Bilduren eta Ezkerraren aldeko 6 bozkekin, UPNren kontrako 3kin eta Geroa Bai eta Auzolaneanen 3 abstentzioekin. 

Akitzeko larunbat honetan “Kataluniarekin bat, demokraziarekin bat” lelopean Elizondoko plazan elkarretaratzea egin dute eguerdian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa