120 ordukoa izanen da irailetik abendura eta doan emanen da
Batxilergo edo Lanbide Heziketako erdi maila eta B1 ingeleseko maila dutenei zuzendutako Nazioarteko Merkataritzarako ingeles ikastaroa doan eskainiko du Nafar-lansareak Elizondoko Lanbide Eskolan, irailaren 18tik abenduaren 15era. 120 ordukoa izanen da, egunero bi ordu (16:00etatik 18:00etara).
Langabetuak nahiz langileak apuntatzen ahal dira ikastaroan, %60 eta %40ko proportzioan. Izen emateko epea irekia dago lekuak bete arte. Horretarako, Enplegu atarira, Doneztebeko Enplegu Agentziara eta Elizondoko Lanbide Eskolara jo daiteke, 948 581805 telefonoan edo ieselizondobhi.educacion.navarra.es webgunean.