Elizondoko zahar etxea kudeatzen duen enpresak antolaturiko ekimena egoitzako hilabete kulturalaren baitan kokatzen da eta gazteei zahar etxeko dinamika eta jarduerak ezagutaraztea sustatuko du. Hauek lorategian oihal etxeetan lo eginen dute, baina dutxak, jantokia eta bertze lekuak partekatuko dituzte, elkarbizitza uztartzeko moduan.
Batera eginen dituzten ekintzak, egunero egunkaria irakurtzea, hidratazio saioak, esku lanak, mahai-jokoak eta film proiekzioak dira.
Eta akitzeko, uztailaren 1ean, larunbata, Familien Eguna ospatuko dute. Egun hau familia, lagun, barride, bolondres, langile eta erresidenteen eguna da, besta giroan denak biltzeko aukera ematen duena. Meza izanen da lehenik, aipamen berexia eginen dugu adin desberdietako harremanak sustatzeari, kanpaldian egondako gaztetxoak ere bertaratuko dira eta gero luntxa izanen dugu denendako musikaz alaiturik.