Ekainaren 13ko mendi ibilaldian, Mikaelaren erorketa tamaldu behar izan zen. Tibia eta Peronea hautsi zituen, eta Oronozeko suhiltzaileak gerturatu ziren, Erratzuko osasun zentrora eramateko. Bertan lehen sendatzea egin zioten, eta anbulantziaz Iruñera eraman zuten, han ebakuntza egiteko. Arkupeak elkarteak suhiltzaileak eta Erratzuko mediku eta erizaina eskertzen ditu, emaniko laguntza eta zaintzagatik.
Arkupeak elkarteko 59 mendizale Alkurruntz mendira igo dira
Hilaren 13an, asteartez, 59 mendizale (gaur arteko kopuru handiena) Ordoki jatetxean bildu ziren goizeko 8:30etan, kotxez batera igotzeko Orabideako aparkalekura. Bertatik, oinez abiatu ziren Atxuela eta Betartera, goiz erdian Alkurruntzera iristeko. Ondoren, Larroin eta Zuztoien barrena ibilita, Licorera jatetxera jaitsi ziren, eguerdiko ordu batean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun