Ortziraletik igandera eginen dute eta hiru egunez hainbat ekitaldi ere iragarri dituzte
Lekarozen Aroztegia inguruetan burutu nahi den proiektuaren kontrako akanpada eginen du Aroztegiako Komantxeak taldeak ekainaren 9, 10 eta 11n Elizondoko plazan. Akanpadak dirauen bitartean, eztabaidak, musika, protesta, giroa, hitzaldiak eta besta ere izanen dela azpimarratu dute, «hartu zure tipia eta zato!».
Aroztegiako Komantxeak taldearen ustez, «baztandarrak behin eta berriz proiektuaren aurka agertu badira ere, Nafarroako Gobernuko buru den Geroa Baik tematuta jarraitzen du proiektuarekin aurrera egin nahian herritarren erabakitze eskubidea zapalduz». Taldearen arabera, «proiektu hau ez da baztandarren beharrak asetzeko, lauen sakelak sosez betetzeko baizik. Hortaz berriz ere gure desadostasuna agertuko dugu, hontakoan Elizondoko plazan akanpada alai batekin».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.