Mendizaleek 07:00etatik 07:30era bitartean abiatu beharko dute Berroeta herritik eta Indako Bordara igo beharko dute. Handik Gartzipotera jaitsiko dira. Ibilbide motza aukeratzen dutenek Zirola izanen dute hurrengo tontorra eta luzea nahiago dutenek, berriz, Zirola baino lehen Pitzamarretik, Arango sorotik, Urzabaletik eta Soraluxko sorotik pasa beharko dute. Behin Zirolara igotakoan Olari izanen dute denek hurrengo gaina. Handik herrira jaitsita akituko da ibilbidea.
Izen-ematea
Mendi itzuliaren eguna baino lehen, maiatzaren 26ra arte ematen ahal izanen da Internetez izena, www.baztangomendigoizaleak.org atarian sartuta.
