Goñi eta Berho oronoztarrak Euskal Herriko txapeldun paleta goman

Ttipi-Ttapa 2017ko mai. 2a, 10:26
Goñi eta Berho Madalensoro pilotalekuko atarian, txapeldun suertatu ondotik.

Bigarren mailako finala irabazi zuten Oiartzunen apirilaren 29an

Oronozko Josu Goñi eta Joseba Berhok Euskal Herriko bigarren mailako paleta goma txapeldun suertatu dira. Oiartzungo Madalensoro pilotalekuan jokatutako final gogorrean 25-15 irabazi zieten Matxain eta Jaurenari.

 

Finala ikustera herritar anitz hurbildu zen Oronoztik eta giro polita izan zen Madalensoro pilotalekuko harmailetan. Gero, txapeldunekin batera elkarte batera joan ziren bazkaltzera eta edereki ospatu zuten oronoztarren garaipena. Bi orduko final gogorra izan baldin bazen, zer erranik ez finalerdia. Orduan, Goñi eta Berhok 25-23 irabazi zieten Goiburu eta Ormaetxeari, bi ordu eta laurdeneko lehia estuaren ondotik. Orain, Idiazabalgo txapelketan hasiko dira Goñi eta Berho.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun