Ortziralean 23:00etan hartu zuten abisua Nafarroako larrialdi zerbitzuan. Foruzaingoa su zerk eragin zuen ikertzen ari da, baina itxura batean, tximiniatik sortu zen. Teilatuaren hegal bat erabat hondatu zuen eta bertze hegalean ere kalteak eragin zituen. Goitiko solairuko hiru gelatan ere kalte handiak sortu zituen. Oronozko eta Iruñeko suhiltzaileak hurbildu ziren eta larunbat goizaldeko 04:30 alderako itzali zuten sua. Jabeak ezin izan zuen baserrira bueltatu lotara.
Erratzuko Oiara baserria kixkali du sute batek
Teilatua hondatzeaz gain, hiru gelatan kalteak eragin ditu, baina inork ez du minik hartu
Erratzuko Azkarate auzoko Oiara baserria erre zuen otsailaren 10ean, ortzirale arratsean gertatutako sute batek. Baserrian zeuden hiru lagunek zauririk gabe utzi ahal izan zuten etxebizitza.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun