Hamabortz herrietako alkateak aukeratzeko lehen deialdia abenduaren 18an egin zuten. Espero bezala, deialdia ez zuen aparteko erantzunik izan eta 15 herrietatik seitan ez zen alkaterik aukeratu. Lehen deialdian aukeratuko 9 alkateen artean, bortz berriak dira, horietatik bi emakumeak. Elizondon Alazne Sansiñena Lertxundi aukeratu zuten (argazian batzarrea) eta Anizen Ainhoa Maritorena Azkarate; Arizkunen Asier Lizarza Esparza; Azpilkuetan Andres Azkarraga Iribarren eta Erratzun Gamioako Miguel Etxandi dira alkate berriak. Alkate karguan segituko dute Almandozko Luis Roldanek, Elbeten Fermin Almandozek, Gartzainen Dani Arraztoak eta Iruritan Pello Obregozok.
Orain, Lekaroz, Berroeta eta Oronoz-Mugairin alkateak aukeratu dituztenez, Amaiur, Arraioz eta Ziga bakarrik gelditzen dira alkaterik gabe, baina datozen egunetan aukeratzea espero dute.