Igandean aukeratutako zortzi alkateen artean, bortz berriak izanen dira, horietatik bi emakumeak. Elizondon Alazne Sansiñena Lertxundi aukeratu zuten eta Anizen Ainhoa Maritorena Azkarate; Arizkunen Asier Lizarza Esparza; Azpilkuetan Andres Azkarraga Iribarren eta Erratzun Gamioako Miguel Etxandi izanen dira alkate berriak. Alkate karguan segituko dute Almandozko Luis Roldanek (14 urte karguan), Elbeten Fermin Almandozek (bigarren agintaldia) Gartzainen Dani Arraztoak (bigarren agintaldia), Iruritan Pello Obregozo Istilart-ek (ia 13 urtez karguan).
Gainerako sei herrietatik bakarrean egin beharko dituzte hauteskundeak, Lekarozen, Agurtzane Elizegik eta Mattari Plazak beraien kandidaturak aurkeztu zituztelako. Amaiur, Oronoz, Berroeta eta Zigan, aldiz, ez zen kandidaturarik aurkeztu eta Arraiozen deialdirik ere ez zen egin.