Larunbat arratsean luntxa eskainiko da eta gauez dantzarako aukera ere ez da faltako
Ohiturari eutsiz iraileko azken larunbatean besta giroa nagusituko da Oronozen. Errebestak ospatuko dituzte irailaren 24an eta herriko gazteek eguna borobila izan dadin egitaraua prest dute.
Eguerdian mahaiaren bueltan bilduta emanen diete hasiera bestari, 14:00etan zikiro jatea antolatu dute. Bazkalondoan musikarien laguntzaz, dantzarako aukera ere ez da faltako. 20:30ean herri kirol saioa eskainiko dute herritarrek, tartean Bittor Elizagoien eta Exteban Arrutik. Segidan, 22:00ak aldera, luntxa izanen da eta indarrak berreskuratu ondotik, gauean berriro ere dantzarako aukera izanen da Oharkabe taldearekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.