Gazte mailan, bortz talde aritu dira ligaxkan eta bi onenak, Oiz (Ioritz Zelaieta, Aimar Saldias, Zorion Zelaieta eta Jon Oiartzabal) eta Arraioz (Eki Etxandi, Josu Etxandi, Mikel Organbide eta Urki Etxandi) izanen dira 17:30ean hasiko den finalean. Ligaxkan seina partida irabazi eta bina galdu dituzte.
Gaztetxoen mailan, zazpi talde aritu direnez, bi multzotan banatuak jokatu dute. Multzo bakoitzeko bi onenek jokatu dituzte finalerdiak. Joaneko partidetan, Oizek 0-7 eta 7-1 irabazi zion Iruritari eta Doneztebe C eta Doneztebe Aren artekoan, lehen partida Akoek irabazi zuten 2-7 eta bigarrena Ckoek 6-7.
Honela, larunbatean jokatuko den lehen finalean, 16:00etan Doneztebe A (David Mitxeo, Eneko Maylin, Ander Ruiz eta Erik Garcia) eta Oiz (Xuban Ilarregi, Mikel Mikelarena, Oscar Ilarregi eta Aimar Ariztegi) ariko dira nor baino nor gehiago.
