Irailaren 2an, ortziralea, hasiko dira bestak. Altxaferoa bota eta segidan txistulariak arituko dira. 14:00etan haurren bazkaria izanen da eta 16:00ak aldera haurrendako Zumba, puzgarriak, joko-txokoak eta apar-festa antolatu dituzte. Ondotik indarrak hartzeko txokolatada izanen da. 20:30ean mutil dantzak izanen dira plazan. 21:30ean Baztan zopak Polekeleke txarangak alaiturik eta gauerditik aurrera ere txarangak girotuko du herria. Gero, Xarma taldearekin dantzaldia izanen da eta akitzeko Dja.
Irailaren 3an, larunbata, 10:00etan argi soinuak eta 11:00etan karta jokoak eta hamaiketakoa izanen dira Mardean. 11:30etatik aurrera, haurrek arrantzan aritzeko aukera izanen dute Mardeako labaderoan. 17:00etan mus txapelketa jokatuko da Arizti Elkartean. 18:30ean sukaldean trebezia erakusteko txanda izanen da, tortilla eta postre txapelketa izanen baitira, segidan dastaketa. 19:00etan herriko dantzari eta kantari ttikien emanaldia izanen da. 20:00etan dantzaldia Oharkabe taldearekin. 00:00etatik aitzinera Gaupasa Oharkaberekin eta bukatzeko DJ Tirry&Teri.
Irailaren 4an, igandea, 10:00etan argi soinuek ernatuko dute herria. 19:00etan Erreka dantza taldearen emanaldia izanen da eta 20:00etan Txamukos taldearen mariatxiak entzuteko aukera izanen da. Bokata eta tragoxka hartzeko aukera ere izanen da.
Irailaren 5ean, astelehena, 12:00etatik aitzinera haurrendako kamiseta margotzeko tailerra antolatu dute (bakoitzak bere kamiseta eraman beharko du). Ordu berean, haurrendako herri lasterketa izanen da. 14:30ean zikiro-jatea trikitilariek eta Hauspolariek alaiturik. 17:00etan aulki dantza eta 20:00etan dantzaldia Hauspolariekin. Beste bukaera emateko gauerdian, gaixoa gu abestuko dute.