Oinezkoentzako tarte hori Karrika ostatuaren paretik Zuga plazarainokoa izanen da eta uztailaren 23 eta 24ko asteburutik hasita irailaren 23-25eko astebururaino irekiko da larunbatetan 13:30etik hasi eta igandetako gauerdira artio.
Aipatu epealdia frogarako izanen da eta, horren ondotik, udako esperientziaren balorazioa eginen da, horrela segitzeak merezi ote duen erabakiz. Auzotarrek bertatik autotan pasatzeko eskubidea ozanen dute. Horretarako Karrika ostatuaren parean egonen den hesia pasatzeko mugitu eta, ondotik, dagokion bezala utzi beharko du.
Modu berean, ibilgailuen zirkulazioa errazteko Burges karrikaren norabidea aldatuko da. Hemendik aitzinerat Jaime Urrutiatik Saniagorako norabidekoa izanen da eta ez alderantziz.
Edozein zalantza edo argipenetarako Elizondoko herriko agintariengana edo Baztango Udalerat zuzendu behar da.