Epaimahaiak Barberenaren lanaren batasuna eta euskara azpimarratu ditu, «bertsoak aitzinera doaz, bada progresio bat. Euskara arras zuzena erabiltzen du, naturala da, ez barrokoa, ulergarria eta ederra».
Jon Barberena bertsolari moduan egina da ezagun eta Nafarroako txapelketan azpitxapeldun ere izan zen 2007 eta 2008an. Literatur arloan, Iruñeko Udalak antolatzen dituen lehiaketetan saritua izan da behin baino gehiagotan. 2004 eta 2005ean bertsopaperetan lortu zuen lehen saria eta 2011 eta 2015ean olerkian. 2015eko Nafarroa Oinezeko kantuaren letra ere berak osatu du.
Iruña Hiria Poesia lehiaketako gaztelerako atala Jaengo (Espainia) Tomas Hernandezek irabazi du, 174517 (El corazón del pájaro) lanarekin.