Larunbat eguerdian Elizondoko Merkatuzelaitik abiatuta kantu eta dantza jira egin dute, Porrotx eta hainbat abesbatzaren partehartzearekin, batez ere ttikienen gozamenerako. Zehazki, Gaztelua Abesbatza, Elizondoko Abesbatza Ttikia, Baztango Xulubitariak, Baztandarrak dantza taldea eta fanfarrea, Baztandarren Biltzarra, Baztango ikastetxeak eta Baztango Udala izan ziren laguntzaile. Herrian barrena kantu eta dantza jira egin zuten, Kerizu beretik elkartea, eta Hondarribiko Olagarro, Zarauzko Montetxio eta Lasarte-Oriako Xumela antolatua. Arratsaldean, Abesbatza hauek Erratzuko elizan bildu eta kontzertua eskaini zuten Amaiurko Gaztelu abesbatzarekin batera.
Maiatzaren 1ean, igande eguerdian Amaiurko plazatik abiatuta Amaiurko Gazteluan kantuz jaialdia egin zuten Kerizu beretik elkarteak eta Olagarro, Montetxio eta Xumela abesbatzek. Amaiurko herriak eta Gaztelu abesbatzak lagundu dute ekitaldi hau antolatzen.