Eskualdeko 28
Bereizgarria jaso duten eskualdeko establezimenduak 27 dira, horietatik bi berriak: Donamariako Benta ostatua eta Narbarteko Lakoizketa landetxea. Horietaz gain, Donamariako Benta jatetxea (Donamaria), Zugarramurdiko Lezeak, Zugarramurdiko Sorginen Museoa eta Zugarramurdiko turismo Bulegoa (Zugarramurdi), Urdazubiko Lezeak eta Irigoienea landa-ostatua (Urdazubi), Zigako Etxezuria landetxea (Ziga), Casa Ostiz denda eta Alustiza lurrin-denda (Doneztebe), Elbeteko ostatua eta Elbetea jatetxea (Elbete), Tresanea apartamentuak (Ituren), Jauregia I eta II landetxeak (Aniz), Santxotena parke-museoa, Gontxea eta Lizardiko Borda I eta II landetxeak (Arizkun), Baztan Museoa, Urruska landetxea eta Ipingi arropadenda (Elizondo), Kattagorri denda eta Atxaspi hotela (Lesaka), Zubietako errota (Zubieta) eta Elgorriagako hotela eta bainuetxea (Elgorriaga).
JOE sistemak aukera ematen die turismo-arloko enpresetako eta zerbitzuetako arduradunei arian-arian kalitatearen kulturan murgiltzeko. Horren emaitza honako hau da: bezeroaren gogobetetasuna areagotzea, bezeroaren fidagarritasuna areagotzea, langileen trebakuntza hobetzea, eraginkortasuna eguneroko lanean, eta "Nafarroako Mendialdea" turismo-xedearen irudi ona.