Garikoitz eta Aitorrek musikaz marraztu eta margotu egiten dute; kaleidoskopio baten moduko marrazkiak, forma poliedrikoez, koloreak maisuki uztartuaz, bolumenak sortuaz, eta honen guztiaren bitartez, emozio berri eta biziak sentiaraziaz. Erdi aroko musika, barroko garaikoa, hainbat herritako folklorea, dantzak, Sarasate, Vivaldi, Guridi... musikan mugak norberak ipintzen ditu, tresnak berak baino askoz gehiago, emanaldi honetan txistu eta akordeoia beraien ohiturazko esparruan nahiz berrietan dabiltza, ausart eta lotsagabe, obra ezezagunak eta aski ezagunak bere egina.
