Ahari lehiaketaren hemezortzigarren edizioari dagokionez, denera 27 buru aurkeztu zituzten(13 mutur gorri eta 14 mutur beltz). Burugorrien artean, lehenbiziko saria (75 euroko eta Santiago Oteiza erratzuarrak egindako kaikua) Arraiozko Xuntenoko Sagrario Urrozentzat izan zen, bigarrena (50 euro) Arraizko Indakoako Felisa Ugarterentzat, eta hirugarrena (30 euro) Gartzaingo Etxexuriko Feliciano Etxarterentzat.
Burubeltzen artean, lehen saria Almandozko Etxotoko Norberto Agerrek eraman zuen, bigarrena Iruritako Gernuxarreko Migel Angel Maritorenak eta hirugarrena Erratzuko Xixperriko Soledad Iturbidek.
Epamahaia, Gartzaingo Maitoneko Federico Etxenikek, Juan Cruz Iriarte zinegotziak, Cederna-Garalurreko Marian Zestau teknikariak, Beartzungo Pardioleneko Manuel Bertizek eta Iruritako Zaldubiko Joseba Zelaietak osatu zuten.
Aziendez gain, eskulangileen erakusketa eta salmenta eta baztanzopak dastatzeko aukera ere izan zen, aurtengo lehen feria egunean.
