Egitarauari dagokionez, apirilaren 2an, larunbat goizeko 11etan eginen dute aurkezpena eta 11:15ean Euskal Xerriaren inguruko esperientzia azalduko du Aldudeko La Filière Basque/Euskal Xerria elkarteko ordezkari batek. 12:20ean bigarren solasaldia izanen da, Maskilu Kontserbak, Bizkaiko Zeberioko kontserbera kolektiboaren esperientzia azalduz. 14:00etan parte-hartzaileentzat bazkaria izanen da eta bazkalondoan, 16:00etan hirugarren solasaldia eskainiko du Kantabriako Güemeskp Campoberry, S.L Nekazal Elkarteko ordezkari batek.
17:00etan mahai ingurua izanen da Nafarroako Gobernuko Landa Garapen Departamentuko, Intiako eta Cederna Garalurreko teknikariak eta Hazitik Hozie elkarteko kideren bat edo gehiagoren (ekoizle eta eraldatzaile) parte hartzearekin. 18:30ean bukaera ekitaldia eginen dute.