Lanak euskarri digitalean berroetakoherria@gmail.com helbide elektronikora edo inprimarutik (30x20 edo 20x15 cmko neurrian) Gure Ametsa elkarteko postontzian aurkez daitezke.
Berroetako herrian antolatutako Kultur Asteburuaren egitaraua apirilaren 8an, ortziral arratsaldean hasiko da haurrendako tailerrekin. Ilunabarren euskal film baten emanaldia eskainiko dute Hegoalde elkartean.
Apirilaren 9an, larunbat goizeko 9:30ean mendi bizikleta martxa eginen dute herriko inguruetan. 12:00etan paxaka izanen da, jokoari buruzko azalpena eta partida ttipi bat. 16:30ean xaboien erakustaldia, Elena Ezkurdia eta Elena Danborienaren eskutik. 19:00etan Saharan egindako bidaiaren aurkezpena eginen du Karlos Garaikoetxeak. 20:00etan argazki lehiaketako lanak ikusi eta sariak banatuko dituzte. Akitzeko, 21:00etan kantu zaharren afaria eginen dute, Santxotenak eta Pello Zabaltzak alaiturik.