Proiektu honetan Elizondoko Eskolako eta Baztan Ikastolako hiru gelak parte hartuko dute, 50 haur, 3 maistra eta laguntzeko prest leudeken guraso guztiak.
Jarduera hezitzaile honen bitartez auzolana, elkar trukea, natura eta ingurugiroa, aitatxi-amatxien ezagutzak, hondakinen kudeaketa eta konposta, herriko azoka eta gure ingurune hurbilari loturiko bertze hainbat eduki pedagogiko interesgarri landuko dira.
Lehen ekintza, martxoaren 9an, asteazken goizeko 10etan burutuko da eta Hondakinetarako Udal Teknikariaren laguntzaz konposta prestatuko dute ikasleek.
Hortik aitzin, baratze-egutegi baten arabera, beharrezko diren lan guztiak egiten joanen dira, horretarako hainbat eragile eta pertsonen laguntza izanen dutelarik.
