Erratzuko Kultur Elkartearekin batera antolatuko du Hazitik Hozie elkarteak larunbateko Haziaren Eguna eta Erratzuko Herria, Etxeleberteko Txokoa elkartearen eta Baztango Kultur Batzordearen laguntza izanen du. Hazien trukaketa eginen dute Etxeleberteko Txokoan larunbatean 10:30ean eta 11:30ean hitzaldia Jakoba Errekondorekin.
Bertso afaria
Berez, Haziaren Egunarekin zerikusirik ez badu ere, larunbateko plana borobiltzeko moduko ekitaldia ere antolatu du Erratzuko Kultur Elkarteak, Baztango Bertso Eskolaren laguntzaz. Bertso afaria prestatu dute larunbat arratseko 9etarako Etxeleberteko Txokoan. Andoni Egaña, Julio Soto eta Iker Zubeldia ariko dira kantari eta Fernando Anbustegi izanen da aurkezlea.