Beti bezala, Balleko Etxeko balkoian egin zen zozketa eta lau umek atera zituzten zenbakiak: Oihan Bazterrikak (10 urte), Peru Medinak (9 urte), Olatz Iriartek (10 urte) eta Auza Iparragirrek (8 urte). Lehen saria, aretxea, 8.743 zenbakiari egokitu zitzaion. Hain zuzen, San Anton egun berean erosi zuen plazan Elias Altzuartek eta kontent ageri zen, Maria Jesus Inda emaztearekin eta Oihame eta Iker bilobekin batera. Bigarren saria, zerria, 7.232 zenbakiari egokitu zaio; hirugarren saria (bi bildots), 4.713 zenbakiari eta laugarren saria, urdaiazpikoa, 2.518 zenbakiari. Franisco Joaquin de Iriarte Zahar Etxetik aipatu zutenez, igande arratsaldean ez zen inor agertu hiru sari hauek eskatzera, baina hogei eguneko epea izanen dute horretarako.
Denera, zozketa honekin 8.200 euroko boletoak saldu aurten Zahar Etxeak, “gero eta gutiago”. Izan ere, gastuak kenduta, 5.000 edo 6.000 euro inguruko irabaziak geldituko dira.