Eskualdean egiten duten lehen bilera honetan informazio trukaketa eman da eta erakunde honek Lanbide Heziketa ikastetxeak eta enpresekin egin dezaken bitartekaritza lana ere azaldu da.
Elizondoko Lanbide Eskola laister eskualdeko lehen Zentro Integratua izango da eta honekin batera barne organo kolegiatua den Kontseilu Soziala eratuko da. Bertan ikastetxeko ordezkariak, Hezkuntzakoak, Sindikatuetakoak, Enplegu zerbitzukoak eta Enpresari Elkargoko ordezkariak protagonismoa hartuko dute Zentru Integratuaren eskualderako eskainiko duen formakuntza eskaintza aurreikusi eta bideratzerakoan.
Maite Ariztegi, Elizondoko Lanbide Eskolako zuzendariak aipatu duenez, «gure ikastetxean biziki eskertzen dugu hurbilketa hau eskualdean Lanbide Heziketa inguruan gure eskaintza hobetzen eta osatzen laguntzeko aukera bezela ikusten baitugu».
«Akreditazioa, zertifikazioak eta formakuntza Duala dira aitzinera jartzen ahal ditugun ekimenak eskaintzak bihurtuz –aipatu du Ariztegik–. Eskualdeko enpresekin elkarlana errexteko Enpresari Elkargoaren eskaini digun bitartekaritza hau baliagarria izango zaigu eta erakunde honek Nafarroako bertze eskualdeetan duen esperientzia gure eskualdean ere baliatzeko aukera polita izango dugu».