Abenduaren 4, 16 eta 23an Atxikimendu Tailerra eskainiko da Elizondoko Arizkunenean, 10:30etik 12:30era, 0-6 urte bitarte dituzten haurren gurasoei zuzenduta. Nerea Mendizabal, psikopedagoga eta gizarte hezitzaileak emanen du tailerra eta izen ematea 948 580 006 telefonora deituz egin daiteke.
Abenduaren 9an, berriz, Jolas eta Jostailuen tailerra eta erakusketa eskainiko du Dindaia Fundazioak 17:00etatik 19:00etara Arizkunenean. Eguberrietarako jostailuen erosketak argitzeko tailerra izanen da eta jolasaren garrantzia heziketa eta familian azpimarratuko dute. Guraso eta haurrei zuzendutako tailer eta erakusketa izanen da eta haurtzaindegi zerbitzua ere eskainiko da. Azken ordu erdian jostailuak hurbiletik ezagutzen ahalko dira. Hemen ere, 948 580006 telefonora deituz eman behar da izena.
