Egun honen harira bi ekitaldi antolatu ditu Baztango Udaleko Berdintasun Batzordeak eta Baztango Emakumeen Mundu Martxako taldeak. Batetik, Larre motzean dokumentala ikusteko aukera izanen da urriaren 15ean, arratsaldeko 7etan Elizondoko Arizkunenean. Bertzetik, Brasilgo nekazal borroka eta borroka feminista gertutik ezagutzeko hitzaldia emanen dute Saioa Iraola Euskal Herriko Bilgune Feministako kideak eta Beatriz Casado Agroekologian adituak, urriaren 29an arratsaldeko 7etan Arizkunenean baita ere.
Larre motzean.
Haurralde fundazioak ekoiztutako dokumental honetan euskal adierazpenaren berreskurapenaren bitartez, emakumeengandik kontatutako eta sentitutako mundu batean sartuko gara. Larre Motzean dokumentalak, euskal emakume askok aitzinean bizitako egoera islatzen du, hau da, «gutxiarekin pasatzera ohituta, gutxirekin konpontzera ohituta» dauden emakumeen bizitza.