Gaur egungo egoeraz eta etorkizunaz mintzatuko dira igande arratsaldeko 4:30etik aitzinera BRTEtxen
Menditarrak Baztan Rugby Taldeak errugbilariak eta errugbizaleak, jokalariak, jokalari ohiak, bazkideak eta jarraitzaileak deitu ditu urriaren 4an, igande arratsaldeko 4:30ean BRTEtxen eginen duten ez ohiko batzar orokorrera.
Aurrekariak aztertu ondotik, gaur egungo ekoera ekonomikoaren, kirol alorrekoaren eta sozialaren berri emanen dute. BRTren etorkizunaz ere mintzatuko dira, galdera eta iradokizunen txandaren aitzinetik. Zuzendaritza batzordetik deialdi berezia egin dute, «ahalik eta jende gehien elkartzea beharrezkoa da, BRTk behar zaitu!».
Gogoratu behar da batzarraren ondotik, Munduko errugbi txapelketako Irlanda-Italia partida ikusteko aukera izanen dela bertan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.