LABetik uste dute «langile honen kaleratzea hauteskunde sindikaletan hautagaia izateaz gain bere eskubideak erreklamatzeagatik izan dela, langile honen portaera enpresarentzako oztopoa zelako eta paretik kendu nahi zutelako».
Azkeneko hauteskunde sindikaletan enpresak hiru hautagai aurkeztu zituela dio LABek, «eta langileekiko mehatxuen bidez beraiek hautatzea lortu zuela, langileei erranez hautagai horien alde ez bozkatuz gero garesti ordainduko zutela, eta hau dena Naiarak ordezkatzen zuen LABen zerrenda aukeratua suertatu ez zedin».
LAB sindikatuaren erranetan, «enpresak langileari ezezik, lanean gelditzen diren langileei atentzioa deitu nahi izan die kaleratze honekin, beldurra zabaltzeko eta jendeak sinestarazteko egoera aldatu nahi duenak eta mugitu egiten den langileak langile honen ondorio berdinak jasango dituela».