Urriaren 2an, ortziralean 20:00etan “Egur zertifikatua: gure basoen etorkizunari begira” solasaldia eskainiko du Gonzalo Anguitak gazteleraz Elizondoko Arizkunenean.
Urriaren 3an, larunbat goizeko 10:30ean Belateko itzulia eginen dute euskaraz Belateko Benta Erreatik abiatuta. 18:30ean “Aldaketa klimatikoa txorien begietatik” hitzaldia eskainiko du gazteleraz Jose Miguel Viñasek Iruritako Jauregian. 20:00etan “Hegaztiekiko maitasuna” solasaldia eskainiko du gazteleraz Jose Luis Gallegok Iruritako Jauregian.
Akitzeko, urriaren 4an, igande goizeko 10:30ean Bertizko Jaurerriko Natur Parketik ibilbide gidatua eginen dute, Jose Luis Gallego eta Juan Goñiren eskutik.
Urdazubin arrakastatsua suertatu zen lehen asteburua
Urdazubin arrakastatsua suertatu zen hegaztien jardunaldiko lehen asteburua. Ortziralean egindako inaugurazioaren ondotik, Kultur Etxe berrian jarritako argazki erakusketa eta “Nómadas del viento” filma ikusteko aukera izan zuten. Larunbat goizean, hegaztiak ez ezik, sorginorratzak eta tximeletak ikusteko aukera izan zuten, Burgosko Hegaztizale gazteen klubak eta Logroñoko Ademar elkarteko kideek gidatuta. Larunbat arratsaldean, “Zuhaitz zaharrak, bizitzarako zuhaitzak” solasaldia eskaini zuen Cesar Javier Palaciosek Kultur Etxean.
Akitzeko, igande goizean Urdazubiko milurteko haritzera ateraldia egin zuten eta Patriia Furlong eta Joaquin Taboadaren musika eta olerkiak aditzeko aukera ere izan zuten.