Esteban Elorga, Hiper Simplyko gerentearen erranetan, «LABek bere idatzian marrazten duen panoramaren arabera, badirudi joan den mendeko enpresa batean gaudela, tratu txar, mehatxu eta presioekin, baina hori errealitatetik oso oso urruti dago». Kanporatutako langileari dagokionez, «gai zehatza da eta lana ez betetzeari dagokio eta ez du inolako zerikusirik sindikatu bateko edo bertzeko kide izatearekin, gure artean LAB, ELA edo UGT sindikatuko kideak baititugu».
Alde horretatik, Nafar Mendi merkataritza guneko zuzendaritzak dioenez, «guretzat oinarrizko balioak dira langileekin eta bezeroekin dugun harremana eta irudia, eta LABek sinatutako idatziarekin, hamar urrats gibelera egin ditugu, doi-doi hiru aitzinera eginak genituenean».