Maite Iturre buru izanen duen zuzendaritza batzordea ere aukeratu zen: Lizoain-Arriasgoitiko alkate den Amaia Ekisoain izanen da presidente ordea; Sakanako Garapen Agentziako Iker Manterola izanen da idazkaria eta EHNE sindikatuko Joseba Etxarte diruzaina.
Programa
EH Bilduk Cederna Garalur erakundeko presidentziarako aurkeztutakoan zenbait ideia proposatu zituen datozen lau urtetarako programan.
- Zuzendaritza Batzordetik haratago tokiko batzorde sektorialetan ere indartu behar da udalen zein pribatuen parte-hartzea. Horretarako CEDERNA-GARALURren proiektu berria finkatu eta aurkezpen publikoak egin behar izanen dira herrietan.
- Hemendik aurrera egiten diren kontratazioetan bi hizkuntza ofizialetan lan egiteko gaitasuna bermatu behar da.
- Garrantzi handikoa da lehentasunak identifikatzea eta eskualde mailako proiektuak edukitzea.
- Gardentasuna, komunikazioa, eta parte hartzea, zutabe nagusiak izanen dira egin nahi dugun lanean.
- Garapen endogenoaren aldeko lehentasunezko proiektuak martxan jartzeak.
- Emakumeen ahalduntzea eta parte-hartzea lehentasunezkoa izan behar du edozein eremu geografikotako garapen integral, iraunkor eta bideragarria gauzatzeko.
- Mugaz gaindiko lankidetza:Nafarroako Mendialdeko zati handi bat Ipar Euskal Herriko mugakidea izaki, egitate hori baliatu behar dugu gure tokiko garapenarendako aukerak zabaltzeko.
- Formakuntza, unibertsitateekin elkarlanak, berrikuntza eta ikerketa eta gazteekin lan egitea beharrezkotzat jotzen dugu.