Haurren kategorian, finalerdietako itzulerako partidetan ez zen ezusterik izan. Joanekoetan, Oizek 1-7 irabazia zion Doneztebe Bri eta Doneztebe Ak 0-7 Arraiozi. Itzulerakoan, Oizek 6-7 galdu zuen Doneztebe Brekin, baina halere finalera sartzea lortu zuen. Doneztebe Ak bigarren partida ere irabazi zuen, 7-2. Hortaz, larunbat arratsaldeko 4etan hasiko den finalean, Doneztebe A (Unai San Miguel, Markel Jabalera, Aimar Sarratea eta Joseba Bengoetxea) eta Oiz (Xuban Ilarregi, Mikel Mikelarena, Oscar Ilarregi eta Aimar Ariztegi) izanen dira aurrez aurre.
Gaztetxoen kategorian berdintasun gehiago izan zen. Joanekoan, Oizek 3-7 irabazia zuen Donezteben eta nagusitasuna berretsi zuen herrian, 7-1 irabazita. Baztandarren arteko finalerdian, berriz, joanekoan 7-6 gailendu zitzaion Arraioz Iruritari, baina Iruritak etxean 7-2 irabazi zuen, finalerako txartela lortuz.
Hortaz, larunbat arratsaldeko 6etan hasiko den finalean, Irurita (Pablo Dorregarai, Iker Aleman, Asier Mariezkurrena eta Unai Bikondo) eta Oiz (Ioritz Zelaieta, Aimar Saldias, Zorion Zelaieta eta Jon Oiartzabal) lehiatuko dira.