Baztango Etxeari eta Natura basatiari buruzko erakusketez gain, Jauregira bisita antzeztuak, Argentinako musika eta liburu aurkezpenak izanen dituzte
Iruritako Jauregiarte taberna kulturalean abuzturako kultur agenda zabala prestatu dute. Hilabete osoan, Baztango Etxea, arkitekturari buruzko erakusketa zabalduko da Jauregiarte tabernan. Abuztuaren 2tik 14ra, Iñaki Atxa argazkilariaren Opera Sauvage-Natura Basatia argazki erakusketa ikusgai izanen da Jauregiko lorategian.
Abuztuaren 7an, Pablo eta Lolak Argentinako musika herrikoia eskainiko dute 20:30ean Jauregiarte tabernan hasiko den kontzertuan.
Abuztuaren 9an, leku berean, Jokin Iriarteren Baztan, Begirada bat laino artean liburua aurkeztuko dute.
Iruritako Jauregia dorretxea bisitatzeko aukerak ere zabalik segitzen du. Teatro que Madura taldearen eskutik asteartetik igandera egunero eskainiko dituzte bisita antzeztuak 19:00etan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.