Bidelagun elkarteak hartueman haundia du jatorri ezberdinetako jende aunitzekin. Iaz Nikaraguako eguna ospatu zuten. Aurten Baztan-Malerrekan bizi diren brasildarren kultura ezagutzera eman nahi dute, jatorri ezberdineko kulturak ezagutzera eman, gure hurbiltasuna erakutsi eta persona berriak ezagutzeko helburuarekin.
Larunbat arratsaldeko 6etan hasiko da ekitaldia, bertan bizi diren brasildarrek aurkeztuko duten bideo baten bidez. Ondotik, haurrendako aurpegia pintzatzeko tailerra eginen dute. Brasilgo janariak erosteko eta dastatzeko aukera izanen da eta caipiriña bezalako edari brasildarrak ere prestatuko dituzte. Arratsalde osoan, musikaz eta erritmo brasildarrez inguratuta egonen dira.