Gorka Urtasun, Oier Amiano, Iban Dufurrena, Maialen Kamino eta Xabier Goñi ikasle ohiek kantuz eta bertsoz eskerrak eta oroigarri bat eman zizkioten Atxari. Orai, asti gehiago izanen duenez, mendian ibiltzeko makila eta motxila ere jaso zituen irakasle almandoztarrak. “Nafarroa Oinez batekin ailegatu nintzen eta bertze batekin noa, baina beti hemen izanen naiz” adierazi zuen hunkituta Juanjo Atxak.
Gero, bazkari eta bazkalondo luzearen ondotik, frontoia ongi txukundu eta kalejiran ibili ziren, Mifa Fanfarrearekin.
