Gizonezkoen artean, Antsoaingo Antonio Casadok 25 minutu eta 7 segundo behar izan zituen lasterketa burutzeko. Javier Perez irundarra bigarren izan zen, 45 segundora eta hirugarrena Elizondoko Iñaki Telletxea, irabazlearengatik minutu eta 13 segundora sartuta.
Emakumezkoetan, Vaneca Pachak 19 minutu eta 24 segunduko denborarekin irabazi zuen. Marina Aznal gartzaindarrak lortu zuen bigarren postua (20:34) eta Baigorriko Amaia Castorenek osatu zuen podiuma (22:07).
Irabazleek txapela, artisau produktuen saskia eta txerrikumea izan zuten saritzat eta bigarren eta hirugarren sailkatuek artisau produktuen saskia.
Geroz eta partaidetza handiagoa du Iruritako Herri Lasterketak eta proba nagusietan parte hartu zuten 42 korrikalariez gain, 120 bat neska-mutiko ibili ziren lasterka plaza inguruan.