Oronozko Josu Berho eta Joseba Berhok Basaburua-Imotzeko paleta goma txapelketa irabazi dute. Apirilaren 18an Latasan jokatutako finalean, 35-26 irabazi zieten Urtxipia eta Santos-i.
Guztira 10 bikote aritu dira txapelketa honetan, eta finalean baino lan gogorragoa izan zuten finalerdian, 35-34 irabazi baitzieten Jaurena eta Mendizabal-i.
Txapela ez ezik, gazta eder bana jaso zuten saritzat.
Ez da nolanahiko denboraldia izaten ari palista oronoztarrentzat. Bikote honek Lesakako Batzokiko txapelketa ere irabazi zuen bigarren mailan eta Goñik Arizmendirekin bikote eginez Nafarroako bigarren mailako txapelketa ere irabazi zuen. Buruz buru, berriz, Nafarroako kantxa osoko eta bortz eta erdiaren barreneko txapelketen finalera ailegatu zen Josu Goñi, nahiz biak galdu.