Baztango Batzar Nagusiak ahobatez onartu du Bildu aurkeztutako mozioa. Idatzian biltzen denez, 2014ko urriaren 16an, Lekarozko kiroldegian, eraso sexista baten biktima izan den herritar batek Elizondoko kuarteleko guardiazibil batzuen jazarpena jasan behar izan du. Guardia Zibiletako bat bere erasotzailearen aita izanik, probokazioaz akusatu eta atxilotuko zutela mehatxatu zuten. Hau dena erasotzailea metro gutxietara zegoela eta jakinda bere kontrako urruntze agindua indarrean zeukala.
Gertaeren larritasuna ikusita, «herritarrak babesten egon beharko luketen horiek, justu kontrakoa egiten ari direla», Batzar Nagusiak gertakariak salatu eta errefusatu ditu. Horretaz gain, Gobenuaren Nafarroako Ordezkaritzari eta Nafarroako Gobernuari indarkeri matxistaren biktimen segurtasuna behingoz bermatu dezatela eta gertakari hauen egileak bere karguetatik baztertuak izan daitezela eskatu du.